Home / Breaking News / ਦਿੱਲੀ ‘ਚ ਅਕਾਲੀ ਉਮੀਦਵਾਰ ਸਿਰਸਾ ਦੇ ਦਫਤਰ ਤੋਂ ਪੁਲਸ ਨੇ ਉਤਰਵਾਏ ਫਲੈਕਸ ਬੋਰਡ

ਦਿੱਲੀ ‘ਚ ਅਕਾਲੀ ਉਮੀਦਵਾਰ ਸਿਰਸਾ ਦੇ ਦਫਤਰ ਤੋਂ ਪੁਲਸ ਨੇ ਉਤਰਵਾਏ ਫਲੈਕਸ ਬੋਰਡ

ਨਵੀਂ ਦਿੱਲੀ/ਜਲੰਧਰ : ਦਿੱਲੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਦੇ ਮੱਦੇਨਜ਼ਰ ਅਕਾਲੀ ਦਲ (ਬਾਦਲ) ਵਲੋਂ ਪੰਜਾਬੀ ਬਾਗ ਤੋਂ ਉਤਾਰੇ ਗਏ ਉਮੀਦਵਾਰ ਮਨਜਿੰਦਰ ਸਿੰਘ ਸਿਰਸਾ ਦੇ ਦਫਤਰ ‘ਤੇ ਲੱਗੇ ਵੱਡੇ ਫਲੈਕਸ ਬੋਰਡਾਂ ਨੂੰ ਦਿੱਲੀ ਪੁਲਸ ਨੇ ਉਤਰਵਾ ਦਿੱਤਾ ਹੈ। ਦਿੱਲੀ ਪੁਲਸ ਦੇ ਕਹਿਣ ‘ਤੇ ਇਹ ਫਲੈਕਸ ਬੋਰਡ ਸਿਰਸਾ ਦੇ ਸਮਰਥਕਾਂ ਵਲੋਂ ਉਤਾਰ ਦਿੱਤੇ ਗਏ। ਇਸ ਸਬੰਧੀ ਜਦੋਂ ‘ਜਗਬਾਣੀ’ ਵਲੋਂ ਚੋਣ ਅਧਿਕਾਰੀ ਵਿਨੈ ਕੌਸ਼ਿਕ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਦਿੱਲੀ ਕਮੇਟੀ ਦੀਆਂ ਚੋਣਾਂ ‘ਚ ਚੋਣ ਕਮਿਸ਼ਨ ਵਲੋਂ ਲਾਏ ਚੋਣ ਜ਼ਾਬਤੇ ਮੁਤਾਬਕ ਉਮੀਦਵਾਰ ਸਿਰਫ ਦਫਤਰ ਖੋਲ੍ਹ ਸਕਦਾ ਹੈ। ਉਨ੍ਹਾਂ ਦੱਸਿਆ ਕਿ ਉਮੀਦਵਾਰ ਨੂੰ ਦਫਤਰ ‘ਤੇ 8×4 ਫੁੱਟ ਦਾ ਇਕ ਫਲੈਕਸ ਲਾਉਣ ਅਤੇ ਇਕ ਝੰਡਾ ਲਾਉਣ ਦੀ ਮਨਜ਼ੂਰੀ ਹੈ, ਜਦੋਂ ਕਿ ਸਿਰਸਾ ਨੇ ਆਪਣੇ ਦਫਤਰ ‘ਤੇ ਕਈ ਵੱਡੇ-ਵੱਡੇ ਫਲੈਕਸ ਬੋਰਡ ਲਗਾਏ ਹੋਏ ਸਨ, ਜਿਨ੍ਹਾਂ ਨੂੰ ਉਤਾਰ ਦਿੱਤਾ ਗਿਆ ਹੈ। ਚੋਣ ਅਧਿਕਾਰੀ ਮੁਤਾਬਕ ਹਰੇਕ ਉਮੀਦਵਾਰ ਨੂੰ ਚੋਣ ਜ਼ਾਬਤੇ ਦੀਆਂ ਸ਼ਰਤਾਂ ਦੀ ਫੋਟੋ ਕਾਪੀ ਵੀ ਮੁਹੱਈਆ ਕਰਵਾਈ ਗਈ ਹੈ। 

About admin

Check Also

ਨਵੇਂ ਸਾਲ ਤੇ ਵਿਆਹਾਂ ‘ਚ ਨਹੀਂ ਚੱਲਣਗੇ ਪਟਾਕੇ

ਹਰਿਆਣਾ ਦੇ ਐੱਨ. ਸੀ. ਆਰ. ਖੇਤਰ ਨੂੰ ਛੱਡ ਕੇ ਪੂਰੇ ਹਰਿਆਣਾ-ਪੰਜਾਬ ਅਤੇ ਚੰਡੀਗੜ੍ਹ ‘ਚ ਵਿਆਹ ...

Leave a Reply

Your email address will not be published. Required fields are marked *